Sergeli tibbiyot kolleji Axborot-resurs markazi
O`zbekiston Respublikasi Prezidentining 2006 yil 20 iyundagi "Respublika aholisini axborot-kutubxona bilan ta'minlashni tashkil etish to`g`risida"gi qaroriga asosan Sergeli tibbiyot kolleji kutubxonasi "Axborot-resurs markazi" 2006 yili tashkil etilgan. Bektemir tumanidagi 1-son kutubxonasi kollej tasarrufiga o`tgan. Sergeli tibbiyot kollejining Axborot-resurs markazida hozirgi kunda 26848 ta kitob fondi mavjud. Sergeli tibbiyot kollejining Axborot-resurs markazida shtat jadvali bo`yicha 12 nafar hodim bo`lib, ular Sergeli tumani aholiga, kollej o`qituvchi va o`quvchilariga hamda xodimlariga xizmat ko`rsatadi. Axborot-resurs markazida 30 o`rinli qiroatxona mavjud. Kitoblar abonement orqali rasmiylashtirilgan holda beriladi. Axborot-resurs markazida 6 ta kompyuter, 1 ta printer, 1 ta skaner va 1 ta nusxa ko`chirish apparatlari mavjud.
O`quvchilarning kutubxonadan foydalanishi, kutubxonalarning gazeta va badiiy adabiyotlar bilan ta'minlanganligi yuzasidan:
Axborot-resurs markaziga 1600 nafar kitobxon a'zo bo`lib, shundan 150 nafari kolleji pedagog xodim va xizmatchilari, 1422 nafar o`quvchilar, 28 nafar shu xudud aholisini tashkil etadi. Hozirgi vaqtga kelib ARMning jami kitob fondi 26848 nusxa adabiyotni tashkil etadi, ulardan 9387 tasi umumta'lim fanlari, 11082 tasi maxsus fanlar, 3522 tasi ijtimoiy-siyosiy, ilmiy ommabop, lug`at va ensiklopediyalardan iborat, 2857 tasi badiiy adabiyotlardir. Axborot-resurs markaziga 18 nomdagi gazeta va jurnallarga obuna qilingan.
|
